2016, 2017, 2018, 2019 оны шилдэг PHP Фрэймворкоор тодорсон Ларавелийг ашиглан та маш хурдан хугацаанд монгол хэл дээр видео бичлэг үзэн сурахыг хүсч байна уу? Тэгвэл та зөв газраа ирсэн байна.

Тун залуухан (2011) боловч хамгийн хүчирхэг PHP фрэймворк болох Ларавелтэй танилцана уу. Ларавелийг ашиглан та ойлгомжтой хялбар кодоор, хүчирхэг, найдвартай, хурдтай бас хамгаалалттай вэб сайт бүтээж чадна. Мөн сурахад маш хялбар! Ямар ч хүчирхэг зүйлийн гол танигдах шинж чанар нь түүний хялбар байдал билээ.

Орчин үед вэб аппыг бүрэн эхнээс нь бүгдийг нь өөрсдөө хийх зарчим аажмаар үгүй болсоор байна. Өөрөөр хэлбэл дэлхий нийтээр хөгжүүлсэн маш сайн тестлэгдсэн маш олон вэб сайтуудад ашиглагддаг нийтийн PHP модулийн сангаас өөрт хэрэгтэй модулиудыг өөрийн сайтад холбох замаар вэб аппыг маш хурдан хөгжүүлж байна. Жишээ нь таны апп зураг upload хийж upload хийсэн зургийг төрөл бүрээр боловсруулж ашигладах шаардлагатай бол тохиргоо дээрээ нэг мөр код бичээд л яг үүнийг хийх зориулалттай модулыг холбон ашиглах боломжтой болно.

Энэ сургалтыг үзсэнээр та дээрх аргуудад суралцахаас гадна Ларавелийг бие даан ашиглан мэргэжлийн вэб сайтыг хурдан хугацаанд хийх чадварыг эзэмшинэ. Та PHP дээр эхлэн суралцагч байсан ч энэ сургалтыг бүрэн ойлгож суралцах боломжтой.

Хамгийн гол нь сургалтын туршид бид хамтдаа Laravel 5, Vuejs фрэймворкийг ашиглан RealTime Forum App-ыг эхнээс нь дуустал нь бүтээж, сервер дээр тавин ажиллуулж үзэх болно. Сургалтын явцад эзэмшсэн ур чадвараа ашиглан маш богино хугацаанд өндөр хамгаалалттай, хүчирхэг, уян хатан вэб программыг та бүтээж сурна. Мөн та Ларавелыг эзэмшихээс гадна PHP-ийн шинэ боломжууд, өөрийн аппыг Facebook-тэй хэрхэн холбох зэрэг олон чухал зүйлсийг сурах болно.

Хэрэв та PHP хэлийг мэддэг гэхдээ өөрөө нэг л сайн вэб сайт бүрэн бүтэн хийж чаддаггүй бол энэ сургалт танд гайхалтай тусалж таныг мэргэжлийн өндөр төвшний хөгжүүлэгч болгож чадна гэдгийг би танд баталж байна. Учир нь амжилттай вэб сайтны хамгийн гол үзүүлэлт бол хэсэг бүртээ чанарын өндөр төвшинд шалгагдсан код ажиллаж байх явдал юм. Гэтэл та зөвхөн PHP хэл ашиглан тийм хэмжээнд код бичье гэвэл олон сарын хүнд хүчир хөдөлмөр шаардагдах болно. Гэтэл Ларавел фрэймворк танд вэб сайтны бүх хэсэгт хэрэг болох өндөр чанартай кодуудыг шууд нэгтгэн оруулж вэб сайтыг илүү чанартай блокуудаар шууд угсарч буй мэт хурдан бүтээх боломжийг олгодгоороо супер юм. Өөрөөр хэлбэл та хийж эхлэхээсээ авахуулаад л өндөр төвшний чанартай вэб шууд бүтээж эхлэх ба бүтээх хугацаа нь өөрөө хийхтэй харьцуулбал асар бага болж ирдэг, чанарын хувьд дэлхийн хэмжээнд байх боломжтой байдаг тул үнэхээр таны болон таны ажиллаж буй компаны цаг зав, хөрөнгийг хэмнэдэг билээ!

Нэгэнт бид Ларавелийг судалж, түүний боломжуудыг нь ашиглаж сурч байгаа тул RealTime Forum аппын кодыг бичихдээ эхлээд нэг аргаар нь хийж байгаад дараачийн хичээлүүдээр өөр аргаар сайжруулах гэх мэт байдлаар хийж явах болно.

Ер нь хэл юмуу технологийг сурах хамгийн сонирхолтой зам бол бодит амьдралын системийг шууд хийж үзэх замаар асуудал бүрийг бодитоор харж, шийдэж, хэрэгжүүлэх замаар суралцвал хамгийн хурдан сурдаг бөгөөд бас мартагддаггүй билээ! Би яагаад онлайн хэлэлцүүлгийн систем сонгосон бэ гэхээр бизнес болон боловсролын бүх л системд ямар нэг зүйлийг хэлэлцэх булан зайлшгүй хэрэгтэй байдаг бөгөөд та энэ хэсгийг нь хийнгээ яагаад Ларавел, VueJS сурч болохгүй гэж? Шинэ технологи сурахдаа хэрэггүй юм хийж байхаар бүх газарт хэрэглэгдэх юмийг хийвэл нэг сумаар хоёр туулай буудах болно!

1234.mn сайт дээр өөр нэгэн миний Ларавелийн сургалт байгаа (Laravel6, VueJS - Цахим ажлын байрны систем бүтээх нь) Энэ хоёр сургалт юугаараа ялгаатай вэ гэж олон хүн асуудаг.

Ялгааг нь би доор бичлээ :

- Цахим ажлын байрны сургалт нь илүү ХИЙЖ БУЙ ТӨСӨЛ ТАЛ РУУГАА анхаарсан сургалт юм
- Онлайн форумын сургалт нь илүү ЛАРАВЕЛ ФРЭЙМВОРКИЙГ ОЙЛГУУЛАХ тал руугаа юм
- Онлайн форумын сургалтанд real time push notification-ийг хэрхэн вэб дээр хийдгийг үзүүлсэн (Pusher)
- Алийг нь ч үзсэн та бодит төсөл дээр даган хийж өндөр төвшний мэдлэг авах болно
- Би танд хоёуланг нь дарааллуулан үзэхийг зөвлөж байна

Ингээд асар богино хугацаанд, өндөр чанар бүхий, өргөтгөх боломж бүхий, өндөр хурдтай, өндөр хамгаалалттай, вэб сайтуудыг үйлдвэрлэн гаргах чадвартай орчин үеийн хөгжүүлэгч болохдоо та бэлэн үү?

Сургалт дээрээ уулзацгаая!

Энэ сургалтын видеонуудаас үзмээр байна уу?